Tximist Fundazioak Publikoaren Saria irabazi du

Berdintasunaren eta inklusioaren aldeko konpromiso aitortua

Tximist Fundazioa izan da Publikoaren Sariaren irabazlea “Kudeaketa Laburrean” lehiaketaren bederatzigarren edizioan, EUSKALIT-ek antolatuta. Lehiaketa honek ikus-entzunezko hizkuntzaren garrantzia azpimarratzen du, kudeaketa eta komunikazio eraginkorra sustatzeko tresna gisa.

Irabazle izan den bideoa, “Berdintasuna jokoan”, Tximist Cup nazioarteko txapelketaren parte da. Bertan, jokalariek eta parte-hartzaileek erakusten dute nola lagun dezakeen futbolak aukera-berdintasuna sustatzen, oztopoak gainditzeneta erreferente berriak sortzen. Hala, kirola gizarte-aldaketarako benetako bide bihurtzen da.

Sormena eta kudeaketa uztartzen dituen lehiaketa

Kudeaketa Laburrean lehiaketak urtero saritzen ditu kudeaketari, parte-hartzeari eta lidertzari buruzko ikus-entzunezko lan onenak.
Aurten, Bideo Onenaren Saria Bihotz Gaztea Ikastola-k irabazi du, lidergo partekatuari buruzko lanagatik.
Gainera, Bideo Amateur Onenaren Saria We are Clickers-ek jaso du, Taldeko berria lanagatik, adimen artifizialaren bidez sortua.

Finalisten artean Mutualia, Ejie-KZ Gunea eta Ave María Ikastetxea izan dira. Bestalde, 1.800 pertsona baino gehiago parte hartu dute publikoaren bozketan, aurreko urteetako marka gaindituz.
Epaimahaia Mondragon Unibertsitateko Komunikazio Graduko irakasle eta ikasleek eta Media Attack-eko adituek osatu dute, lanen originaltasuna, mezuaren kalitatea eta ikus-eragina baloratuz.

Mondragon Unibertsitatearekin lankidetza

Lehiaketa hau posible izan da Mondragon Unibertsitateko Giza eta Hezkuntza Zientzien Fakultatearekin egindako lankidetzari esker.
Sari banaketa Bilboko AS Fabrik fakultatean egin da. Aurten, Komunikazio Graduko ikasleek parte-hartzaileei beren iritzi eta aholkuak emateko aukera izan dute. Horri esker, lehiaketa aberatsagoa eta parte-hartzaileagoa bihurtu da.

Tximist Fundazioa: futbola aldaketarako bide

Aitortza honekin, Tximist Fundazioak berresten du bere konpromisoa berdintasunarekin, aniztasunarekin eta inklusioarekin.
Berdintasuna jokoan lanak erakusten du nola izan daitekeen futbola sentsibilizaziorako, erreferente positibo berriak sortzeko eta gizarte bidezkoagoa eraikitzeko tresna.

Azkenik, Tximist Fundazioak eskerrak eman nahi dizkie gure bideoa bozkatu duten guztiei eta berdintasuna jokoan mantentzen laguntzen duten erakunde guztiei.